inda22
  poezi
 
lexojini  dhe argetohuni 
                   

Ngjyra të ylberta


       

1.

ORARI

Unë për çdo natë, kur bie në gjumë

E mendoj orarin se e dua shumë

Motra ime Zana, fletoret i ndanë

Thotë se matematika duhet t’jetë me një anë.

Ikë moj budallaqe, se s’është punë për ty

A s’është matematika edhe për fëmijë?

Sa herë që kuzhinën t’i e hulumton

Asnjëherë s’pajtohesh veç me një bonbon.

 

2.

KUR BIE NATA

Kur bie nata?

Pyet SONATA

A ka ëndrra flokë të gjata

Apo agu ia shkurton

Kur ende jemi nën jorgan.

Kur bie nata?

Pyet SONATA

Abetarja ikën e ngrata

Do të fshihet nën tryezë

Apo në çantën time të zezë.

 

 

3.

OMBRELLA

Ankohet ombrella

Se po punon shumë

E përse gjithë shiun

Dashka ta mbaj unë.

Ku i kanë mantelat

Fëmijët dembel

E vashëzat kapelat

T’ëmbla si sheqer.

Ani edhe plaku

Posi teveqel

Nuk dashka në derë

Të dalë asnjëherë

Pa më marrë me vehte

Dimër edhe verë.

         

4.

NOTAT   

Shpesh unë kaloi

Afër shkollës sime

Më kujtohen bankat

Dhe mësuesja ime.

I kujtoj dhe pesat

Radhitur në ditarë

E ju do mendoni 

Se kurr dysh s'kam marrë

Sa për tresh e katër

Kjo më ka ndodhë shpesh

Bile e shtyenin dyshin

Mos ta kenë në mes.

E kur njëshi plak

Donte të marrë hak

Trokiste në derë

Që t`i bëjë konak

Por në fund vendosa

Që të ndryshoj punë

Gjithë notat e dobëta

I vura në gjumë

Pesa bukuroshe

Buzëqeshi në ditar

Kurorën tha mua 

S’mund kush të ma marrë.

 

                                                                        

5.

BORA

Nga dritare ime e vogël

Vështroj borën si po bie

Nga gëzimi për këtë bardhësi

Më thurë zemra melodi.

S’mund durova dhe u zgjova

Kapelë, dorëza shpejt kërkova

Në tavan me shumë nxitim

Hulumtoja Sajin tim

Edhe Saji fort u gëzua

Do më marrish tha dhe mua

Do shëtisim tërë qytetin

Borës do ia dimë lezetin

Shokët më panë me zili

Prit, mos u bërë qilimi

Duam të gjithë një dordolecë

Kokë tenxhere e hundë-spec

Do të lozim gjithë së bashku

Unë, Ti, Loti e Miloti

Topa bore ne do të bëjmë

Vashëzat t'i ngacmojmë.  

         

                

                                                                        

6.

NË BIBLIOTEKË

Bibliotekën e qytetit

Me shokë shpesh e vizitojmë

Është si një pulëbardhë buzë detit

Eh, ç’kohë të mirë kalojmë.

Një ditë ndodhi t’hezitojmë

Çfarë duhet t’lexojmë

Njëri thoshte histori, tjetri poezi

U krijua tollovi as vet nuk e di

Njeri tjetrin lehtë qortonim

Nuk mund të duronim.

Xha Sokoli na vështronte  

Mendjen na e lexonte

Sillte kokën, ngriste syzet

Këshilla na ofronte.

T`i lexoni tha të gjitha

Sa shumë ia vlenë

Mëmëdhe e kan Shqipërinë

Stërgjysh SKËNDERBENË.

Kosova nuk mbetet prapa

Për këtë ju bëjë benë

Mbret të penës që të dyja

E kanë KADARENË.

 

     

7.

KUR MAMI ANKOHET

Mami babit i ankohet

Se s’dëgjuakam unë

Bëjnë shumë plane, propozime

Për njëmijë ndëshkime

Në shkollë të muzikës,

Është mirë ta dërgojmë

Dhe në kurs vallëzimi

Duhet ta regjistrojmë

Deomos i duhet

Një kurs kompjuteri

Së fundi as dy plus dy

S’di me i mbledh i mjeri

Dhe Gjuhën Angleze

S’duhet lënë pas dore

Do të jetë tha një recetë

Që ta ketë për jetë.

Nga të gjitha këto ndëshkime

U mbush mendja plot mësime

Andaj buza në gazë më shkoi

Athua mami keq mendoi?

 

 

   

8.

DALLGË E DETIT

Dallgë e detit bukuroshe

Flokëbardhë e sy kaltëroshe

Pa më thuaj si ke guxim

Të vërsulesh me aq nxitim

Nuk njeh çun e as çunak

Kur të lusin ndalu pak

E as vashëzat që spërtojnë

Si pulëbardha të vallëzojnë

Dallgë e detit bukuroshe

Flokëbardhë e sy kaltëroshe

Në detë shtrihesh gjithë hijeshi

Si borë e parë mbi çati

 

 

9. 

DITËLINDJA     

Kam bërë ftesa për gjithë shokët

Dhe Kitarën e kam blerë

Do këndojmë me zë shumë

Të festojmë shumë e shumë.

Përgatita veshin tim

Të duroj një torturim

Për ditëlindje shokët e mi

Do ta shkulin me siguri

Sa shumë lodra e gëzime

Patëm dhe një varg urime

Vashat nisën të recitojnë

Si zogjë mali të cicërojnë.

DIONI një komedi

Kishte sjellë si befasi

Fëq e fëq rolet i ndamë

Kush Princeshë e kush Luan.

Përcjell lojën motra ime

Edhe mami tortën sjell

Shtatë qirinj kishte mbjell

Që t`i fikë përnjëherë.

Torta paksa u ankua

Pse të fundit më leni mua

Keni ngrënë pemë e perime

Pa mendua për vuajtjen time

Dhe me gishta më gjymtoni

Vjedhurazi më sulmoni

E çfarë më duket paksa çudi

Ju këtë e quani mrekulli?

 

 

10.

NËNË TEREZA

Sa krenar sot jemi ne

Të gjithë, pa dallim fe

Nënë Terezën dëshirojmë

Bashkë ta Lumturojmë

Edhe bota na ka zili

Për të mirë o fëmij

Se kemi një nënë të madhe

Bijë e trojeve Shqiptare

Mund ta quash Perëndeshë

Nëse do edhe Hyjneshë

Por një gjë ta mbash mend prore

Se një vepër kaq madhështore

Gjithë kombin mban për dore.

 

 

11.

MË TREGO

Pse mendon se Gjuha Jonë

Nuk na paska mjaftë fjali

Që të shkruash si do shpirti

Një të bukur poezi

Pse mendon se dhe Liria

Të është falur Mua dhe Ty

Vallë ne ishim qilimi

Kur luftonin djemë të ri

Nuk mjaftoka që Flamuri

Ka dy ngjyra kuq e zi

Edhe Plisi tepër i bardhë

Po të duket Ty tani

Eja të të marrë për dore

E të shkundim armiqësitë

Qirinjtë ndezur rreth nesh prore

Ah, sa pak që na bëjnë dritë.

 

 

 

12.

ABETARJA

Abetare abetare

Je shtëpi me shumë dritare

Në Kosovë e diasporë

Fëmijët të kanë meteor

E buzëqeshur rri çdoherë

Të tjera libra të bëjnë nderë

Mendja u shko se bënë magji

Që të do ty çdo fëmij

Në klasë sillesh si Sorkadhe

Me të gjithë do hedhësh valle

Por kur nata shpejton hapin

Fët e fët e gjen dollapin

DEA gjumë nuk vë në sy

Pa të marrë nën batani

Abetare abetare

Je shtëpi me shumë dritare

Shkronjë e yte kur demonstron

Edhe përtacin nga gjumi zgjon.

 

 

 

13.

VITI I RI

Bredhi ynë pret e pret

Të stoliset me lezet

Merr mesazh nga Viti i Ri

Më prit, më prit se do të vij.

Babadimri ai zotëri

Ka tubua shumë fëmijë

Prej një fshati në qytet

Fluturon me sajë të vetë.

Por dy kukulla me pahirë

Kishte marrë një vashë të mirë

Pa shih vasha si veproi  

Njërën bredhit ia dorëzoi.

Bredhi ndihej shumë krenar

E mbante si Lapidar

Xixëllonjat e adhuronin

Dhe balonat lartë e qonin.

Veç qiriu faqeziu

Kishte ndjellë pak xhelozi

Po përtonte të flakëronte

Ashtu mirë si di ai.

Kur filluam të festojmë

Gjithë rreth bredhit të këndojmë

Viti i Vjetër rrugën lëshoi

Pak gërhati e pak çaloi.

 

 

14.

LAPSI IM

Jam në hallë me lapsin tim

Punën bënë me shumë nxitim

Në klasë shpesh është deklarua

Thotë se goma s’është për mua

Kur dëgjohet zilja në klasë

Një shkronjë tepër e përplasë

Kur i them të më dëgjoj

Kam thotë unë, jo ti përvojë

Një ditë bile mu kërcënua

Smë mirëmban ti fare mua

Gjatë tërë natës ore zotëri

Shkruan novelë dhe poezi

Ke ndër mend të bësh orar

Dytë të dalim faqebardhë

Kjo më shtyri të mendoj

Mos vallë unë diku gaboj?

 

 

15.

SIMPATIA

Sot në klasë ndodhi çudi

Të gjithë më thërrisnin Simpati

Për një çast unë u mendova

Prej nga emrin e fitova

Gjatë tërë kohës unë i shkreti

Jam mundua ta mbaj për veti

Por më kot gjithë klasa e di

Se unë kam një simpati

Shokët nisën të aktrojnë

Emrin donin tia qëllojnë

Për një çast frika mkaploi

Mos vallë RRAPI më tradhtoi

Se në sy e paska qiellin

Dhe në flokë ka lulediellin

Tash më tgjithë e kanë kuptue

As që dojnë me diskutue

U mundova dhe zbulova

Prej nga gjithë kjo komedi

Edhe vetit iu zotova

DITARIN në çelës ta mbaj tani.

 

 

16.

PIANO IME

Shiqoj Pianon time

Gjithë melankoli

Sa shumë do të donte 

Ta ketë çdo fëmijë

Me të tjera vegla

Së bashku garojmë

Na ka ndodhur madje  

Edhe të fitojmë

Mbrëmjeve të prillit

Shoqet shpesh i thërras

E shoh piano ime

Mbushet plot me gas

Na vjedhë me bisht syri

Dhe se lë pa pyet

Sonatën për mua

Keni përgaditë?

 

 

17.

MACJA IME

Mjaullinë kur më sheh

Që tmë bindë se më njeh

Macja ime qime butë

Gjurmon miun skutë më skutë

Por dhe miu shumë dinak

Maces time i bënë lak

Vrimë më vrimë ai nxiton

Fët e fët bishtin trazon

Mendon macja e uritur

Pranë oxhakut e dremitur

Është mirë RONI sot të qajë

Darkën fare mos ta hajë

E përkëdhela me një dorë

Macen time qime butë

E kuptoi nuk vonoi

Se sa keq mendoi

Kam një plan alternativë

Për ty macja ime e mirë

Një maçok fare i zi

Është i pari në fqinjësi

Si padashje del në pritë

Tmë takoj mua çdo ditë

Një vend pune po kërkon

Macen time ta ndihmon

Do i jap shansin tani

Mjau mjau mjau mi…

 

 

18.

KITARA

Mbi sirtar një kitarë

Duket sikur ska pronar

E merr mami, babi, motra

Vëllai e dashka me lodra

Tani sdi kujt ti ankohet

Kur një tel shpesh i gjymtohet.

 

 

19.

KËSULKUQJA

Kësulkuqja e ditëve tona

Është pak më ndryshe tha JONA

Ka kapelë të porositur

Dhe fustanin pak të ngritur

Karnavalin në qytet

Organizon me shokë të vet

Gjitha bishat na i ftuaka

Pa shih Ujkun mbret emëruaka

Gjyshen merr në telefon

Kur vendos ta viziton

Nuk harron madje shumë shpesh

Me e mail ta përshëndes.

 

 

20.

8 MARSI

E shoh mami si shpejton

Kur 8 Marsi po ofron

Një listë të madhe përgaditë

Çfarë i duhet për atë ditë.

Me një pjesë babi pajton

Ca të tjera refuzon

Në dollap një befasi

Mirë e ruan ai tani.

As unë nuk bëjë përjashtime

Për mamin dhe mësuesen time

Dy buqeta me trëndafila

Një të kuq një lloj-lloj ngjyra

I dorëzova fort u gëzova

Mbrapa shokëve nuk mbarova

Më buzëqeshën dy palë sy

Sa çun i mirë më thanë je ti.

 

 

21.

TELEVIZIONI

Më pëlqen Drakulla

Këngën ta dëgjoj

Dhe Adea Pula

Si di të vallëzoj

Film të vizatuar

E kam qejf Pinokun

As Mbretit të Xhunglës

Nuk i gjen dot shokun

Ankohen të gjithë

Nganjëherë në mua

Si more një lajmë

Sna lë me dëgjua

Ndihem si një Mbret

Në pallat të vet

Të shkoj ndhomën time

Fare ska lezet.

 

 

22.

TOPI 

Sështë patjetër të ketë lara

Që të futet e bëjë gara

Po nuk dite ta qëllosh

Mendjen ta lë boshë

Nuk zgjedhë fushë e as lojtar

Dhe patjetër është i parë

Ende t` gjithë pa e zbulue

Shih portierin e ka rrëzue

Shpesh e fyejnë si për mahi

Kur në portë nuk di të hyj

Xha Petriti e mallkon

Që kur këmbë e tij çalon

Topi di dhe të gëzoj

Kupën madje të fitoj

Atëherë gati e prek qiellin

Kur dy duart sa lartë e hedhin.

 

 

23.

XIXËLLONJA

Sa shumë i dua balonat

Pak më tepër xixëllonjat

Ah të mirë një histori

Xixëllonjë e ke ti.

Të kujtohet vashë e bukur

E uritur dhe e strukur

Xixë pas xixe ngrohe ti

Një mbrëmje për vit të ri

Tërë atë natë vasha ëndërroi

Bukën fortë si e coptoi

Një mish zogu me lezet

E ndante me prind të vet

Bukur vasha të shoqëroi

Në dorë fortë ty të shtrëngoi

Mëngjesi të kishte gdhirë

Të fikur por të lirë

Unë dhe emrin ia doja

Vasha me xixëllonja

 

 

24.

HËNA

Kur të gjithë nisin e flasin

Mami, babi të bërtasin

Të drejtohem hënëz ty

Ti një yll më vë në sy

Kur ankohen tgjithë në mua

Shih dhe shoqja është hidhërua

Të drejtohem hënëz ty

Ti s'më lë më bënë shoqëri

Bashkë shëtisim buzë liqenit

Verdhacake plot hijeshi

Edhe shtratin gjen për mua

Fli më thua tani fli.

Herë e plot herë gjysmake

Një planet një mrekulli

Mos mendo se edhe toka

Nuk të ka pakëz zili.

 

 

25.

ZOG SHTEGTAR

Oh sa herë të kam kërkuar

Zog shtegtar i bukuri ti

Ca urime që kam shkruar

Ti dërgosh shokëve të mi

Ata gjenden në tërë botën

Në Zelandë e Amerikë

Mu si ti shtegtar më janë

Për liri lakmi të kanë.

Në dritare shpesh pushon

Me sqep pakëz komandon

Nuk hidhërohem se e di

Sqepin mburrje e ke ti.

 

 

26.

GËNJESHTARI

Gënjeshtar mor torollak

Pa ulu mendohu pak

Pesëshe thua në ditar

Për çdo ditë ke marrë

Ditarin plot njësha ke

Ke një dysh mos me bë be

Dhe një tresh diku kah fundi

Katërshen e mundi

Kur vjel mollë, dardhë e kumbull 

Gjatë gjithë verës në fqinjësi

Aktron bukur kur të pyesin

I rrudhë krahët nuk e di

E kan thënë edhe më parë

Rrena këmbë të shkurtër ka

Lëre këtë avaz të vjetër

Zgjidhe një rrugë tjetër.

 

 

27.

PËRRALLA NË GJUMË

Disa përralla kam dëgjuar

Ca të tjera kam lexuar

Hulumtoja çdo mundësi

Në cilën të hyj.

Ani shumë u befasova

Kur një gjë unë e kuptova

Dilja pa nda nga çdo përrallë

Unë i vetmi fitimtar.

Kam luftuar me dragua

Ashtu fare pa mendua

Princeshën në pyll të fjetur

Vet e kisha gjetur.

Kur ofrova buzën time

Princeshën ta zgjoj nga gjumi

Ora në mur fort cingëroi

Zgjohu të marrtë lumi.

 

 

 

28.

QESHJA

Qesha unë pse dordolecit

Po i djeg hunda prej specit

Dhe pse djepi vëllanë tim

Nuk e zë të hyn.

Qesha edhe kur babloku

Po vraponte me gjysmë shkopi

Dhe ai nuk më qëlloi 

Ashtu si mendoi.

Tinëz qesha me një shok

Kur rrëshqiti ra për tokë

Një minutë më parë krenohej

Nuk ka shans të rrëzohej.

Dhe kur zonja Miradije

Kishte mbushë një gjysmë tepsie

Me simite e llokum

Për fëmijët në katund.

Desha s'desha t'madhe qesha

Kur një qen fort laraman

Hop kërceu pa u ndi

Drejt e në tepsi.

Një ditë mblidhen që të gjithë

Donë në mua t'marrin hak

Pa më pritni mor të mjerë

Sa të rritem edhe pak.

 

 

29.

SHIU

Qajnë vitrinat e qytetit

Dhe i vetmi lapidar

Shi i vjeshtës me stuhi

Mirë se keni ardhë.

Pak zymtohet dhe qyteti

Po kjo s'ka fare rëndësi

Re të hirta na premtojnë

Ylberin ta zgjojnë

E ne ecim dorë për dore

Llokoçitemi me kënaqësi

Më i lumtur ndër të lumtur

Bishtaleci që mban ti.

 

 

30

UNIFORMA

Kohë më parë ca bisedime

U zhvilluan n'shkollën time

Uniform për gjithë shkollarët

Preferojnë dhe qytetarët.

Ishte diçka që nuk dinim

Të votojmë a refuzojmë

Disi ne u dakorduam

Pse jo e provuam.

Po ç'na doli mrekulli

Si besoja syve të mi

Fundi vashës palë palë

Me dy ngjyra zi e bardhë

Një kravatë e kombinuar

Bukur dizajnuar.

Shih dhe çuni nuk lëshon pe

Nuk t'koris unë ty ore

I drejtohet me të qeshur

Shoqes në bankë, Lezes

Paj si duket kurrë më parë

S'kemi qenë kaq barabar

Andaj tani koncentrohu

Pa djallëzi notohu.

Lezja hundën pak përpjetë

Seç e ngriti me lezet

E di tha, more tutkun

Por nuk jam e vetmja unë.

               
 
  Today, there have been 1 visitors (1 hits) on this page!  
 
This website was created for free with Own-Free-Website.com. Would you also like to have your own website?
Sign up for free